સંબંધોની માયાજાળ
સંબંધોની માયાજાળ
આભલિયે મેઘધનુષ દીઠું,
નજરુંને એ લાગે મીઠું,
સપ્તરંગી સંબંધોનું ગાણું,
અંતરને લાગે અણદીઠું,
ગરજે ગધેડાને બાપ કહે,
નહીં તો ઝેરીલો સાપ કહે,
ક્યાંક પ્રેમમાં અતિરેક રહે,
પછી અચાનક બ્રેકઅપ રહે,
માતા-પિતાનો નિર્મળ નાતો,
મોટાં થાતાં વિસરી જાતો,
તાળી મિત્રો અનેક મળતાં,
લાગ મળે મિત્રને છળતાં,
સોશિયલ મીડિયા પર લાખો મળે,
આંસુ લૂછવા એકે ન મળે,
ભાઈ-બહેનનો નિ:સ્વાર્થ નાતો,
ને લાગભાગમાં કોરટ જાતો,
સ્વાર્થ અને નિ:સ્વાર્થની વચ્ચે,
સંબંધ સૌનો ઝોલાં ખાતો,
અંતર કેરો તાર સાંધીને,
નંદી હરિવર શુ જોડો નાતો.