સમય

સમયને ક્યાં છે સમય રે થોભવાનો

અલિપ્ત જ; યાત્રી બની સરતો જવાનો

ખીલતું મુરઝાતું; જગ આ ઋતુ સહારે

હિસાબ નિયતિનો પલે કરતો જવાનો,

કદી તારો ને કદી મારો રટું જ્યાં

વાત તારી અંકિત જ, ધરતો જવાનો

બંધન તને ના કોઈ આદિ- અનાદિ

વિલયની વણઝારો જ ભરતો જવાનો,

કૂખમાં એંધાણ અગમોનાં ઊગાડી

અનંત દર્શની મસ્ત સરતો જવાનો

વાગતી શરણાઈ રૂઠતી રામજીની

વિના પૂનમ; સુનામી ભરતો જવાનો,

સમય છે તું; એટલે જ સો સો સલામો !

છે જ બાજીગર મહા રમતો જવાનો.