સ્માઈલ
સ્માઈલ
તને સ્માઈલનું એક સિમ્બોલ આપ્યું'તુંં સાચવ્યું છે ને ?
તારું મુખડુ એકાદવાર પણ જોઈ એને મલક્યું છે ને ?
શું હતુંં કેમ હતું ક્યાં કશું જ ત્યારે ખબર જ ના જાણી,
વિચલીત થૈ પડતું હૈયું હારે,વદને ઉદાસી ભાળીને તારી,
ઘણીવાર દિવસ નાહક એ વ્યસ્તતાના વાયરે વહેતો,
એક નજર તને જોવાને આંખે ઈંતેજારી વંટોળ ઊઠતો,
અટકતુંં કદાપિ નથી કોઈ વિના અવિનાશી બ્રહ્માંડમાં,
સમયની ધૂળ ચઢેને ખટકે છે હૃદયે સંગ્રહ્યા ભંડારમાં,
હજારોની ભીડે એક તુંં જ મનમાં વસેલ કેમ જાણે છે ?
સાંજ બાકી રહ્યા ઋણાનુબંધી ખેલ અહીં મળાવે છે.