પ્રેમની ક્ષણ
પ્રેમની ક્ષણ
ઝગડો થાય બાદ નિઃશબ્દ એકમેકનો ચહેરો જોયા કરવો એ પ્રેમની ક્ષણ છે,
બાહ્ય દેખાવ નહીં અંત: લાગણીએ હો અલગારી વળગારો એ પ્રેમની ક્ષણ છે.
ભીડભાડ ભરી બજારે નાના બાળક સમ ત્યાં ઝાલી હાથ રસ્તો એ ઓળંગાવે,
સુરક્ષા કવચ બની સંગ ચાલે ખુદ હાથે ખવડાવતો સિંગદાણો એ પ્રેમની ક્ષણ છે.
પળભરમાં મગજ ગરમે એલફેલ હરફ ઉચ્ચારે નાક પર હો બેઠેલો ગુસ્સો જાણે,
બહુ સહજ કોમળ સ્મિત કરી હળવા મૂડ હો મનાવતો એ પ્રેમની ક્ષણ છે.
સવારનો સુર્યોદય અને રાતનો સુર્યાસ્ત એનાં વિના સાવ ભાષે અધુરાં અધુરાં,
દિવસની અઢળક વાતો થતાંય રહેતો બાકી વાતોનો ભંડાવરો એ પ્રેમની ક્ષણ છે.
હ્રદય તણો ધબકાર એમા આતમ તણો ઉત્સાહ એમાં શુન્યતા સઘળી એના વિના,
નિહન જીવતરની એ આખરી મંઝીલ દરેક અડચણ હંફાવતો એ પ્રેમની ક્ષણ છે.