મા

મા કહો બા કહો કે ભલે કહો મમ્મી,

વાત્સલ્ય વીરડીમાં ના આવે ઓટ કદી.

સંતાનની સફળતા કાજ પથ્થરોય પુજતી,

એક માં જ છે જે રાખે બાધાને આખડી।

વસતા ભલે વિદેશ દિકરો કે દિકરી,

પળેપળ રહેતી ચિંતાતુર એ માવડી.

હોય ચારદિવારોની અંદર જ મા રહેતી,

આવી પડે વિપદા સાહસ અનેક ખેડતી।

હોય ના જે ઘર પરિવારમા માની હયાતી,

એમનુ જીવન છે અમાસની અંધારી રાતડી.

અગણિત ઉપકાર કર્યા મા બાળપણ સીંચી,

દઝાડશો ના ક્યારેય એ માની આતરડી.

ચાલતા શિખવ્યુ જે મા એ પકડીને આંગળી, 

બની શકાય તો બનજો વૃધ્ધાવસ્થાની લાકડી.

કરશો સેવા ચાકરી તો ઠરશે માની આતરડી,

માતૃઆશિશથી મોટી નથી કોઈ દૈવત્ય શક્તિ.