સજાવી શકું છું

ગઝલના વિચારો હું લાવી શકું છું,

ને શબ્દો મજાના સજાવી શકું છું,

છૂપાવેલ ભીતર ઘણી લાગણીઓ,

કલમની જ ધારે વહાવી શકું છું,

ભલે હું નથી કોઈ આબાદ શાયર

છતાં અક્ષરોને  તરાવી શકું છું !

કરું વાત તારા ને ચંદાની સાથે,

ને સપના હું મારા જગાવી શકું છું,

મને જાણવાની મથામણ કરો ના

સળગતા વિચારો બુઝાવી શકું છું !

સમી સાંજ ઉગતી કૈં યાદો સમીપે

છલકતા એ જામો ઉઠાવી શકું છું,

છુપાવ્યા ઘણા રાઝ 'દિના' છતાંયે 

ગઝલમાં અચાનક ગજાવી શકું છું,