શોધ
શોધ
તને કહેવા એ વાત હું તક શોધતો ફરતો હતો,
ચોમાસું બોલાવવા ચાતક શોધતો ફરતો હતો,
શબ્દો મળતાં ન હતા, ખોલવા માટે હૈયાને મારાં,
દુઃખ વહેંચી શકે એ વેચક શોધતો ફરતો હતો,
કોણ સમજે છે વ્યથા જીવનની આ જગતમાં,
ભજવી શકું એવું હું નાટક શોધતો ફરતો હતો,
સમય જાણે કે થંભી ગયો છે તમારી જુદાઈમાં,
ચલાવે જીવન એવું લોલક શોધતો ફરતો હતો,
અંધારે અટવાયો છું, સુઝતો નથી મારગ કોઈ,
ફેલાવે પ્રકાશ જે એ દિપક શોધતો ફરતો હતો !