એવું ક્યાં છે

જવાબદારીથી છૂટીને ભાગી જવાય, એવું ક્યાં છે,

ને કોઈને એ વિશે કશું ય કહી શકાય, એવું ક્યાં છે!

નસીબ ક્યાં લઈ જાય છે આપણે જવું હોય ત્યાં?

ને જ્યાં લઈ જાય ત્યાં રહી શકાય, એવું ક્યાં છે!

સંભાવના શાંતિ મળવાની જગતમાં ઓછી રહે છે,

અને સ્વર્ગમાં ય શાંતિ પામી શકાય, એવું ક્યાં છે!

લક્ષ્ય સઘળા સિદ્ધ કરવામાં ઘણું ગુમાવી ચુક્યા,

હવે એ સમયને પાછો લાવી શકાય, એવું ક્યાં છે!

તમે મારી અંદર વસો છો પણ કેમ વિશ્વાસ અપાવું?

ને હૃદય ખોલીને તમને બતાવી શકાય, એવું ક્યાં છે!