શબ્દોની માયાજાળ

અટક્યો છુ શબ્દોની માયાજાળમાં,

અર્થ કરવામાં મૂંઝાયો છુ,

શબ્દોને સમજવાની કોશિશ કરીને,

કલમથી કંડારવાનું વિચારૂં છુ.

સાહિત્યનો નવો નિશાળીયો છુ,

શબ્દોની બારાક્ષરી ઘુંટુ છુ,

વ્યાકરણ-અલંકારોનો મેળ કરીને,

કલયથી કંડારવાનું વિચારૂં છુ.

સાહિત્યના આ ઉંડા સાગરમાં,

શબ્દોના મોતીઓ વિણું છુ, 

સાગરના પાણીની શાહી બનાવીને,

કલમથી કંડારવાનું વિચારૂં છુ.

શબ્દોના માતીઓને ચમકાવીને,

મધુર બંદિશોને સજાવું છુ,

હ્રદય ભિતરના ભાવોને "મુરલી"

કલમથી કંડારવાનું વિચારૂં છુ.