શાક

ઘરમાં રોજ થાયે કકળાટ

આજે શેનું બનાવ્યું શાક ?

ઘરની રાણીને એક સંતાપ

હવે શેનું બનાવું શાક ?

કોઈને ભાવે રીંગણ તો કોઈને પરવળ

રોજ કેટલા બનાવું શાક ?

આલુ તો હર શાકમાં ભળે ને

કાંદાએ સજાવ્યું શાક,

ક્યારેક મરચું વધુ તો ક્યારેક નમક !

અરે, કેવું બનાવ્યું શાક ?

તડકાની સુગંધ ચોમેર વ્યાપે

કયું મસ્ત બનાવ્યું શાક !

ખજાનો શાકનો શિયાળે ને

ઉનાળે પડતો અકાળ,

હોય ભલે પકવાનોની ભરમાર

પણ હૈયું ઠારે એ છે શાક !