Click here for New Arrivals! Titles you should read this August.
Click here for New Arrivals! Titles you should read this August.

Rekha Kachoriya

Tragedy Inspirational


4  

Rekha Kachoriya

Tragedy Inspirational


સૌનો વારો સરખો આવે છે

સૌનો વારો સરખો આવે છે

1 min 576 1 min 576

મેર પછીય માળામાં મણકો આવે છે,

સુખ સાથે જ દુઃખનો તડકો આવે છે,


જિંદગીનાં સરવાળા બાદબાકી છે અઘરાં,

ક્યાં કોઈનો જવાબ સરખો આવે છે !


વિધાતાએ લખ્યાં લેખ લલાટે મિથ્યા નવ થાય,

રાજગાદીને સ્થાને ભાગ્યમાં વનડો આવે છે,


પાંચ-પાંચ પતિઓની માનીતી રાણી પાંચાલી,

ને ચીરહરણ વખતે મદદે માધો આવે છે,


લાગણીઓમાં થવા લાગી જ્યાં ગણતરીઓ,

ત્યાં જ મધુર સંબંધમાં કડવો થડકો આવે છે,


મારું-તારું, તારું-મારું રટતાં રહ્યાં જિંદગીભર,

અંતિમ શ્વાસમાં ક્યાં કામનો સગો આવે છે,


માત-તાતે નિભાવી સઘળી ફરજો સંતાનોની,

તોય ભાગ્યમાં વૃદ્ધાશ્રમનો ઓટલો આવે છે,


જીવતેજીવ ન કરે કદર સંબંધોની માનવ,

મર્યા પછી લાશ પર સુગંધી ફૂલો આવે છે,


ન સ્વર્ગ, ન નર્ક, છે સૌ કર્મોની અહીં બલિહારી,

રાજા હો કે રંક, સૌનો વારો સરખો આવે છે.


Rate this content
Log in

More gujarati poem from Rekha Kachoriya

Similar gujarati poem from Tragedy