સૈનિક... તને જ શોભે

'સૈનિક... તને જ શોભે'

હિમ, રણ, જળ, વાયુ

બધે વિજયપતાકા રોપે,

સૈનિક મારા દેશના

ગૌરવગાન તને જ શોભે...

પરિવાર ના સ્નેહ બંધન

કર્તવ્ય સઘળા ન રોકે,

માભોમ નું રક્ષા વચન

માટી નું તિલક તને જ શોભે...

ઘેરા વન મેલાં તન

અગવડ જોખમ ન ટોકે,

સાહસથી આગેકૂચ સતત

મૂછ ના તોર તને જ શોભે...

ઉંઘ, આનંદ લોકો ના પડખે

તું શત્રુ પર આગ ઓકે,

સલામતી ના દાતાર

દેશવાસીઓ ના વંદન તને જ શોભે...

પૂર, આતંક, વિપરીતતા માં

તારણહાર સૌ તને શોધે,

શું નેતા શું અભિનેતા

સન્માન તિરંગા નું તને જ શોભે...

સામી છાતીએ જીત મેળવી

વીરતા ની મિસાલ રોપે,

અખંડ ભારત નું સ્વપ્ન સાધનાર

અમર જવાન જ્યોતિ તને જ શોભે!