કશિશ તારી એ જિંદગી
કશિશ તારી એ જિંદગી
1 min
24.4K
પ્રભાતના કિરણો સોનેરી,
કે સાંજ સાજસજીલી,
એ જિંદગી, જાદુથી ફોર્યા છે રંગ તે.
બની અંબરની ખુદાઈ,
'ને કદી દરિયાની ગહેરાઇ,
એ જિંદગી, જાદુથી વિસામ્યા છે દર્દ તે.
જ્યોતમાં ઝળકતી રોશની,
છીપમાં ચમકીલું મોતી,
એ જિંદગી, જાદુથી સજાવ્યા છે મર્મ તે.
મ્હેકે ઉપવનમાં નઝારા,
રાતે ચમકે થઈ સિતારા,
એ જિંદગી, જાદુથી શમાવ્યા છે જખ્મ તે.
ગીત સુગંધી શ્વાસોમાં,
ઉર્મિ મધુર આંખોમાં,
એ જિંદગી, જાદુથી ખીલવ્યા છે સ્વપ્ન તે.