રથયાત્રાના લ્હાવા રે

હળવે હળવે હાલે જાધવજી

લેતા રથયાત્રાના લ્હાવાજી રે

પથપથ ઝરમર ઝરમરિયાજી

લૂંટે અષાઢી લ્હાવાજી રે,

 

વીરા બળભદ્ર બેલડી રૂડી

સાથે સુભદ્રા બહેનીજી રે

અષાઢી બીજનાં પાવન પર્વ

માણે મોસાળું માધવાજી રે,

 

વીંઝણા મોરપીંછ વેરે વાયરા

લાલજી મારા છોગાળાજી રે,

 

દરબારી ભપકા રાય રણછોડા

ગુલાલે રમે રૂપાળાજી રે

 હાથી ઘોડા ને મગના થાળા

ઢમઢમ ઢોલ નગારાજી રે

ભોળા ભુધરજી હૈયે રમતા

ઘરઘર ગોકુળિયા ધામાજી રે.