રસ્તો

આ કોરોના વાયરસ ને લીધે સૂમસામ થયું રસ્તામાં,

પશુ, પક્ષી ફરે નિર્ભય થઈને આઝાદીથી આ રસ્તામાં.

આખો દિવસ ધમધમતા સૂનાં થયાં આ રસ્તાઓ,

લોકડાઉનનાં પગલે ભેંકાર ભાસે આ રસ્તાઓ.

એક રસ્તા ને જોડતા અનેક વિશાળ રસ્તા,

થંભી ગયા આજે સૌ, સૂનાં પડ્યાં એ રસ્તા.

ભાવનાઓ નાં મેળવડા નાં સાક્ષી એવાં રસ્તા,

સુખ દુઃખના સાચાં સાથી બની રહ્યા એવાં આ રસ્તા.

સાવચેતી એ જ સલામતી એવું કહે આ રસ્તાઓ,

જાગૃત નાગરિકો સમજો અને રહો સાવધાન કહે રસ્તાઓ.