વ્હાલી સખીઓ

સખી જેનું નામ બોલતા જ, છવાય મુખ પર આનંદ,

મિલન હર ક્ષણે ઝંખે, દિલનો ભાર કરવા હળવો.

નિત્ય મિલન થકી, રહે ન કોઈ ઉદાસી,

દુઃખને હસીને લઈ જાય પોતાનામાં સમાવી.

જાદુની ઝપ્પીમાં પ્રેમ પનપતો વધારે,

પ્રેમનાં જાદુની અસર,ઉરે આનંદ પ્રેરે.

સખીઓની કમી સાલે ન ક્યારેય,

દિલમાં જમાવી અડ્ડો, બહાર કયાં આવે ?

સખીઓ છે તો, જીવન મધુર મહેકે,

જીવન સુનું તેના વિના, કેમ કરીને જીવે ?

સખીઓ સંગ વાતો કરતાં અવાઝનો આંક મોટો,

આસપાસ વૃંદ મળ્યું છે સખીઓનું એ સાબિતી કરતો.

સખીઓ સંગાથે પળો વિતે, હૈયે ઉમંગ ભરી,

વર્ષો સુધી યાદો તાજી રહે, માણેલી ક્ષણોની અનુભૂતિ.