રંગમંચ

મારો પણ છે અનેરો

તારા રંગમંચમાં કોઈ રંગ !

કયો રંગ મારો?

કે’ કેવી મારી જીવનજંગ !

છે તારો આ રંગમંચ !

હું નાદાન- નાસમજ ,

છું તારી પાસ અહીં !

કે’ તેજ પ્રકાશ અર્પી દે,

મુજને મારા જ મહીં !

છે તારો આ રંગમંચ !

ક્યાં ને કેવા સંવાદ?

ઉચ્ચારવાના એ તો કહે !

તારા કવનના મૌન અહેસાસમાં જ,

જીવનમાધુર્ય મારું તો મહેકે !

છે તારો આ રંગમંચ !

તું કહે ને

એમ જ હું કરી લઉં તો કેવું ?

ગમી જાઉં હું તુજને,

મુજમાં જ તું મળી જાય થાય એવું !

છે તારો આ રંગમંચ !

આતમથી પરોવું હું મન તુજમાં,

ને દેહનો બની જાય તું રંગરેજ !

રંગમંચનો નાયક બનાવી મુજને,

સ્વપ્ન સંગે રંગી

‘સ્વપ્નીલ ‘ ની રાખે તું પરહેજ !