મુશ્કેલ નથી મારો આ માર્ગ
મુશ્કેલ નથી મારો આ માર્ગ
છે જીવનપથ પર અનોખી ચાહ ને,
હામ સાચી સચ્ચાઈ પર ચાલવાની !
ઘનઘોર અંધારામાં ચિરાગરુપી દીવડાને થામી,
આશ મારી સફરને ઝીલવાની !
તો મુશ્કેલ નથી મારો આ માર્ગ !
જો ન હોય કોઈનો સાથ પણ,
મારી માસૂમિયતની પનાહમાં !
'ઈશ્વરનું કામ ઈશ્વર જ કરે' એ સ્મિતને,
લઈ હોઠે હું તો ગુલાબ! કંટકોની રાહમાં !
તો મુશ્કેલ નથી મારો આ માર્ગ !
ઈયળ પુષ્પ પરની વિચારે સદા,
થઈશ ભમરો હું પણ એક !
ભમરાએ તો માણ્યું સહવાસ પુષ્પનું,
લઉં આ 'કિટબ્રહ્મજ્ઞાન' માણું જીવન નેક!
તો મુશ્કેલ નથી મારો આ માર્ગ !
ક્યારેક દુ:ખ મીઠાં તો ક્યારેક સુખ મધુરા !
પાના તો મારી ખુલ્લી કિતાબના !
હું પણ ઘડાઉં ચમકતા હિરાસમ,
પાના એ તો મારા જ હિસાબના !
તો મુશ્કેલ નથી મારો આ માર્ગ !