ગર્જતો ગુજરાત

મા ભોમ તારી આ ઘરા લાગે છે,

રુડી રુપાળી ગુજરાતણ સન્નાર !

વિજયી વિશ્વે વસતો એકેએક,

અહીં તો છે ઝનૂની વીર કહેનાર !

વિદ્યા વસતી હરદમ હ્દયે ને,

'શ્રી'નો વરસતો વરસાદ !

કલાની છે અનુપમ કહાણી,

મીઠોમધુરો સદા મળતો પરસાદ!

હરેક રીતે શોખીન જોવા મળેજ

છેલછબીલો હસતો ગુલાલ !

અનોખી રીતભાત ને ગુંજતો નાદ

ધન્ય આ ગુજરાત માલામાલ !

ના હારતો, ના ડરતો,ના કહેતો કઈ

કર્મપ્રધાન તણી શ્રેષ્ઠ રીત !

પ્રેમળ મૃદુ જ હોય એની વાણી,

મિલનસાર ભાષી જેવો મીત !

આવે જે અહીં ન હોય એકલો,

સંગાથે જ રહેતો એનો ગર્વ !

દીપસમ પ્રકાશિત રહેતો હરકોઈ,

મીટાવવા અંધકાર કરતો સાધના સર્વ !

આ તો ગીરનો સાવજ 

સુવર્ણ સ્વપ્નભારત

આ તો ગર્જતો ગરવી ગુજરાત