શ્રીરામ શ્રીકૃષ્ણ સંગે સંવાદ

હે રામ ! શ્રી રામ !

તમે ક્યાં ક્યાં વસી ગયા શ્રી રામ !

અયોધ્યા નગરી તમારી પૂજાણી

દર્દમાં તારા નામથી પીડા રુઝાણી

હે રામ ! શ્રી રામ !

રામ અવતારે અવતરી,

પ્રીતિ એક જ કહેવાણી !

કૃષ્ણ અવતારે અવતરી,

પ્રીતિ અનેક વહેવાણી !

તું પૂજાયો અનહદ શક્તિથી

સહનશીલતા મુરત બની શ્રી રામ !

તું પૂજાયો અનહદ ભક્તિથી

પુર્ણ પ્રેમરુપ મુરત બની કૃષ્ણ નામ,

કહો, હવે આ આવનાર યુગેયુગે

મંદિરમાં તો તમ પૂજાશો..

હૃદયનાં અનેક ઘા થયા આજે 

અંતરવેદનામાં તમ ગુંજાશો...?

દ્રોપદીસમ સખીની સૌંદર્યતા

લાજવંતી લાજ કોણ રાખશે ?

રુક્મણીસમ સ્ત્રી પત્ર 

કોણ વાંચશે?

મીરાંસમના દુલારને 

કોણ સવારશે?

રાધાસમની આંખલડી તરસતી

કોણ હૃદયે પ્રગટશે?

સીતાસમના વ્રતની વાત હવે

કોણ સંભાળશે ?

મંદોદરીસમ સમજણ અર્પતી

અંતરના રાવણને કોણ નાથશે?

પ્રશ્નો તો ઘણાંયે છે સમક્ષ રામ..

યુગેયુગ આજ વાત

યુગેયુગ તુજ તો છે નાથ

દેવ હતા ને દેહે આવ્યા...

આ દેહના દેવનું નામ સાચવે તું..

નામમાં અપાર શક્તિ રામનામ

તરી શીલા ને થયા પેલેપાર...

શ્રૃંગાર એજ નામની જોડી

હર નામમાં વસે બની નર-નાર...

ન હોય જેને વિશ્વાસ 

ન હોય એને એવી કોઈ આશ..

સ્વનું વિચારીને બેઠા દૈત્ય

ન એને કોઈ સ્નેહની ખરી પ્યાસ..

આ જગમહીં એક તારો જ નાદ

સુખ-દુઃખે બનું તારો જ સાદ,

જીવ શિવનું મિલન એક જ વાત

સ્વપ્ને 'સ્વપ્નીલ'કમલ ખીલે રાત.