શ્રીનાથજી શરણ

ધારણ કર્યું સ્વરુપ શ્રી કૃષ્ણે,

ઊંચી કરી ડાબી એ ભૂજા !

વામ હસ્ત સૂચવતો 'નિર્ભય રહો!'

સદા ધારણ કંઠે તુલસી ગૂંજા !

શ્રીનાથજી શરણ...

ચાર રુપો ભક્તિભાવના,

પ્રકાશ પ્રસારી કરે અંધકાર નષ્ટ! 

જગન્નાથજી,રંગનાથજી,

દ્વારકાનાથજી,બદ્રીનાથજી

એવા ગોવર્ધનનાથજી કરે દૂર કષ્ટ !

શ્રીનાથજી શરણ

ત્રાસિત હોય જો કોઈ અન્યાયથી,

પીડાતું રહેતું જેમનું અમન !

સત્યને ચાહનારા જનોના પ્રિયે વ્હાલા,

લીલા કરી રક્ષે થયા શ્રીજી એ તો દેવદમન!

શ્રીનાથજી શરણ

નશામાં ચકચૂર રાગ,દ્વેષ,ઘમંડ

અવગુણનો થયો ખંડન !

મહાભયના નાશક શામળીયા શ્રીનાથજી,

સ્મૃતિએ ચરિત્ર એમનું ને થાઉં ચંદન!

શ્રીનાથજી શરણ.

ભક્તિયે રાસ-કીર્તન-સ્મરણે

એ લીન ઉપાસના મહાન કુદરત-પરમાત્મા!

સર્વસ્વ શ્રીજીને અર્પણ ભાવનાર્થે,

સ્વપ્ને રચાતો રમતો અંતરાત્મા!

શ્રીનાથજી શરણ