રીંછભાઈ

રીંછભાઈ નીકળ્યાં ફરવાં...

નદી-સરોવર તરવાં....

રીંછભાઈ નીકળ્યાં ફરવાં...

ફૂલોવાળો ટીર્શટ પહેર્યો,

ચમકે ચકાચક!

મોંઘા કાળા ગૉગલ્સ લીધાં,

કેવું એમનું લક?

ટોપી પાછી લીધી,

એ પણ મજાની લાલ,

ગળામાં પાછી લપેટી ચમકેલી, સુંદર શૉલ...

ત્યાં તો તારલીયાં લાગ્યાં ખરવાં....

રીંછભાઈ નીકળ્યાં ફરવાં...

કેરી, કેળાં, જામફળ મીઠાં તોડી લાવે;

મિત્રો સાથે રમત રમતાં હરખ ના સમાવે,

એક હાથમાં મૉબાઈલ લઈને રૂઆબ બતાવતો!

આંબા નીચે સંધ્યા ટાણે વાતોનો વડ્ડો જમાવતો,

સૌ પ્રાણીઓ રીંછથી લાગ્યાં ડરવાં...

રીંછભાઈ નીકળ્યાં ફરવાં...