પુત્રવધૂ

આજે મારા અંતરમાં કંઈ, દિવ્ય લહેરીયો ઊડતી,

પુત્રવધૂ સરગમના સૂરથી પુણ્ય પગલા પાડતી.

નિતરતાં એ સ્નેહભર્યા નયનોમાં અમીરસ છલકે,

પુત્રવધૂની ભાવનાથી ઘરમાં હર્ષોલ્લાસ છલકે.

પુત્રવધૂ એ જીવન વેલીયે, અનુપમ અમીરસ સીંચ્યો,

ઘરમાં અજવાશ પાથરી, કુળમાં જ્ઞાન દીપ પ્રગટાવ્યો.

પુત્રવધૂની સ્નેહ સરિતામાં સ્નાન અહરનિશ કરતાં,

છુપાઈ ને ઘર માટે ઘસાઈ એ કલરવ મીઠાં કરતા.

પુત્રવધૂ ના મીઠા બોલે, આમ હૈયુ ભીંજાતું,

સ્નેહથી સભર આંખડીયોમાં, અમૃત શું ઊભરાતું.

પુત્રવધૂ વ્યવહારથી દિલના દારુણ દુઃખ હરતી,

સમય આવે ખરાબ તો, આત્મામાં અમી સિંચન કરતી..