પર્યાય
પર્યાય
રોજ એનો ચહેરો મારા મુખ પર વર્તાય છે,
મારા માટે એની યાદની
ઊણપ ક્યાં વર્તાય છે ?
કોણ જાણે કઈ રીતનો
બનેલો આ પ્રેમ છે,
દર્દ કેટલાય સહ્યા તો પણ
મુખ પર સ્મિત છવાય છે.
એક શબ્દ પણ ક્યાં કહ્યો છે
છૂટા એણે થતી વખતે,
તોય મારા મુખડા પર
એનો જ પ્રેમ રૂડો વર્તાય છે.
એક ખુદની ઊંઘને ખાતર
દિવસ-રાતને હું ગણતો,
કોણ જાણે તોય એની યાદથી
નીંદર આવી જાય છે.
આ જ પ્રેમની હયાતી છે
ઈશ તારા આ ધામમાં,
ત્યાં દીવો ઝળહળ થાય છે
અહીં ગુલાબનું ફૂલ જો સુકાય છે.
ગુસ્સાને સ્મિતથી ઢંકાવી ઢંકાવી દે છે
પ્રેમથી વાત અહીં સમજાય છે,
તુજ કહી દે આ જગતમાં
પ્રેમ તણો કોઈ પર્યાય છે ?