"કેમ કરી ભૂલાવું"

બાળપણ હતું મારું એવું,

જેમાં નહોતું કોઈ શાણપણ,

શાણપણ એવું ક્યાંથી આવી ગયું,

જેનાથી ભૂલાયું એ મારું બાળપણ, 

સગપણ સાથે જોડાયો ઘણાય,

ભૂલાઈ ગયું એ મારું બાળપણ,

સગપણ સંંબંધે નહોતું જોડાવું, જોડાયો છતાં,

ભૂલવું પડ્યું સગપણમાં મારું એ બાળપણ.

ખિલખિલાટ કરતો ને હું આમતેમ રમતો,

બાળપણમાં હું મારી માના હાથે જમતો,

ખુદના હાથના જમણનો સ્વાદ માણતો થયો,

માના હાથે ખાતો એ સ્વાદ ભૂલાઈ ગયો.

રમતા રમતા ચિત્ર બનાવતો હું પપ્પાનું,

પપ્પા સાથે ગીત હું ગાતો એક મજાનું,

જ્યારથી ગીત હવે હું નવું ગુનગુનાવા માંડ્યો,

ત્યારથી પપ્પા સાથે ગાયેલું ભુલવા માંડ્યો.

એ માના હાથે ખાવું છે,

પપ્પા સાથે ગુનગુનાવુ છે,

થાવું છે નાનું જે થવાતું નથી પણ,

હાલનું ભૂલીને મારે બાળપણનું સુખ માણવું છે.