અભિમાન
અભિમાન
દીકરી વહાલનો દરિયો
પ્રેમથી એનો મળતો નઝરીયો,
દીકરી અને ગાય દોરો ત્યાં જાય
દુઃખની ઘડીએ એ ના સહેજે વિલાય,
પ્રેમ તણી ફૂલ ક્યારી એ નાની
હંમેશા સુગંધિત એની સુવાસ ફેલાય,
કહેવામાં દીકરી
પારકી થાપણ કહેવાય
એ દીકરી મારફતે જ
બે ઘરોમાં ઉજાશ ફેલાય,
દીકરી-દીકરાની જો
હોડ લગાવાય
દીકરી જ લાગણીઓથી
હંમેશ જીતી જાય,
લાગણીઓ ઠાલવી
દીકરી રડી જાય,
દીકરાની લાગણી
દીકરાના હૈયે જ રહી જાય,
દીકરો-દીકરી એકસમાન
લાગણીઓ જીતવાનું દીકરીને અભિમાન...