પ્રકૃતિનું અલગ સ્વરૂપ

વિચાર કરો આ દુનિયામાં એવું તો કંઈ હોતું હશે !

ફૂલોમાં ન હોય સુગંધ, ભમરામાં ન ગુંજન.

પતંગિયા જો રંગીન ન હોત, વિચારો પ્રકૃતિ કેવી હોત !

પ્રાણીને બે પાંખ હોય, પક્ષી ને એક પૂંછ.

માનવને હોય ચાર પગ, વિચારો પ્રકૃતિ કેવી હોત !

ચાંદો ઊગે જમીનમાં, વૃક્ષો આકાશ મહીં.

દિવસે ઊગે આકાશે તારા, વિચારો પ્રકૃતિ કેવી હોત !

સમુદ્ર હોય જો સ્થિર શાંત, નદીઓ હોય વમળ મહીં.

ઝરણા ચડે ડુંગર ઉપર, વિચારો પ્રકૃતિ કેવી હોત !

સિંહ ખાય ઘાસ ને બકરી માંસ ખાય.

માછલી દોડે વાડામાં, વિચારો પ્રકૃતિ કેવી હોત !