ભીંજવી લઇ નીકળું

શબ્દને હું લાગણીમાં ભીંજવી લઇ નીકળું.

મોલ એવો વાવણીમાં ભીંજવી લઇ નીકળું.

માર્ગમાં મળશે મને પણ હૂંફ શ્વાસે એ તરફ,

પ્રેમ થોડો માંગણીમાં ભીંજવી લઇ નીકળું.

અર્થમાં એવી ભળી હું પ્રેમ ભીની નીતરું,

ભેજ સીંચી ચારણીમાં ભીંજવી લઇ નીકળું.

આ તરફ ઠંડા પડ્યા છે શ્વાસના પણ કાફલા,

હું બરફને તાપણીમાં ભીંજવી લઇ નીકળું.

ગ્રીષ્મ આવે ઓકતો ગરમી ઘણીયે એટલે,

સૂર્ય થોડો ઢાંકણીમાં ભીંજવી લઇ નીકળું.