કોણ એને રોકતું, વહેશે હવે

જિંદગીભર અન્ય પર હસશે હવે.

કોણ એને રોકતું, વહેશે હવે.

જીવવાનું શાનથી શીખી જશે,

જે થપાટો કાળની સહેશે હવે.

ભૂતકાળે છેતરી લીધી મને.

વર્તમાનો સામટા મળશે હવે.

આવશે ક્યારે હવે ભીતર સુધી,

આવવાનું જે મને કહેશે હવે.

પ્રેમનું પણ સત્ય હું જોઈ શકું.

લાગણીનાં કાફલા સરશે હવે.

આજ આ તો કાલ પેલું કેટલું?

એ સમય પણ જાતને ગમશે હવે!

ભીંત ફાડી પીપળાઓ ઊગતા,

જો "ખુશી" વાતાવરણ ફરશે હવે.