સૂર્યના ડૂબી જવાની પ્રતિક્ષા

ચાંદનીથી શોભતી આ રાત વ્હાલી લાગતી,

તારલાની જો મને સોગાત વ્હાલી લાગતી,

સૂર્યના ડૂબી જવાની હોય પ્રતિક્ષા કેટલી !

રાત પહેલાં ઊગતી એ ભાત વ્હાલી લાગતી,

હું ભરું આખા ગગનની રોશનીને આંખમાં,

જો સજીને નીકળું તો જાત વ્હાલી લાગતી,

આભનો ચાંદો બની સાથે ધબકશું આપણે,

એક હોવાનું હૃદય એ વાત વ્હાલી લાગતી,

હું અને તું, સાથમાં હો આપણી વચ્ચે "ખુશી",

ઓઢણી તારે મઢી,બારાત વ્હાલી લાગતી.