શીખી ગયો
શીખી ગયો
જીવનને પરાણે જીવતા શીખી ગયો,
મનને મારીને જીવતા જીવી ગયો,
આજુબાજુ નજરો મારી, બધુંય જાણતી થઇ ગઈ,
સાચું -ખોટું, દિલ માં દબાવી, ડોળ કરતા શીખી ગયો.
જીવન જીવવાની ગુરુ ચાવી, મેંય અપનાવી લીધી,
બે માણસના ઝગડા વચ્ચે, હું ત્રીજો બહુ ફાવી ગયો.
રમત અનોખી રમવા જેવી, બેઈમાનીના પાસા,
જીવનની આ શતરંજમાં, પાસા ફેરવતા શીખી ગયો.
સાચા આદર્શોનો માનવી હું, સચ્ચાઈ મારો ઇતિહાસ,
ધીમે ધીમે છળ કપટને, દુનિયાદારી કહેતા શીખી ગયો.