હેપ્પી ફાધર્સ ડે
હેપ્પી ફાધર્સ ડે
દિવસ છે જે આજ ત્યારે, પિતા આવે વધુ યાદ,
ભૂલાય નહીં ક્યારેય એ, નથી કોઈ એની ફરિયાદ,
નાનપણથી મોટાં કર્યા, પુરા કર્યા બધાં અરમાન,
દુઃખ વેઠી પોતે બધાંને, સપનાં કર્યા બધાં સાકાર,
પા પા પગલી ભરતાં ભરતાં, ચાલતાં શીખવાડે બાપ,
દુનિયા દેખાડવા મહેનત કરે, ન જુએ છાંયો, તાપ,
ફાટેલી બંડી તૂટેલા ચશ્મા, જૂનાં ચપ્પલ, કપડાં સામાન,
તોય કહે હજુ ચાલશે, એ જ પિતાની શાન,
ખભે ઉંચકી દુનિયા દેખાડી, ન જતાવે કદી ઉપકાર,
ફરજ નિભાવી પોતાની, ન રાખે પોતાની દરકાર,
ઘર ઘર રમતાં મહેમાન બનતાં, બાળપણની આવી યાદ,
મહેમાન બની પિયર જતાં, થાય દુઃખ મનમાં અપાર,
ઉપકાર માનીએ પ્રભુનો, દીધો માનવનો અવતાર,
રાખી હસતાં ઋણ ચૂકવીએ, દિલથી માની આભાર.