પરીઓ તો લાગે રૂપાળી રે

પરીઓ તો લાગે રૂપાળી રે

પચરંગી પાંખોવાળી રે,

પરીઓના દેશમાં ઊડતાં પતંગિયા

પરીઓની સાથે રમતા પતંગિયા

પરીઓતો પતંગિયાની પ્યારી રે

પચરંગી પાંખોવાળી રે,

પરીઓના દેશમાં ચમકે ચાંદલિયો

ચાંદાની પાસે ટમકે તારલિયો

પરીઓતો ચાંદાથી એ પ્યારી રે

પચરંગી પાંખોવાળી રે

પરીઓના દેશમાં સોનેરી ભાત છે

સોનેરી ભાતમાં પરીઓની વાત છે

પરીઓતો જગ આખાથી ન્યારી રે

પચરંગી પાંખોવાળી રે.