પરિભાષા સ્ત્રીની

અનુપમ કૃતિ ઈશની, પરિભાષા છે સ્ત્રીની !

આજે પણ પુરુષપ્રધાન હોય ભલે દેશ ;

જો એ સમજે પરિભાષા સ્ત્રીની લેશ !

હતી ઉક્તિ એવી 'સ્ત્રીની બુધ્ધિ તો પગની પાનીએ';

'યત્ર નાર્યેસ્તુ પુજ્યન્તે તત્ર રમન્તે દેવતા:'ની 

યુક્તિ પણ જાણીએ !

થશે જો અત્યાચાર એના પર અસહ્ય જ્યારે; 

બનશે 'રણચંડી' જન્મજાતની શક્તિ જાગૃત થશે ત્યારે ! 

ફસાવાશે જો છળકપટથી એને પ્રેમજાળમાં;

બની સજાગ, દેશે મ્હાત યુક્તિથી આજ જન્મમાળમાં !

રંગ લાગશે જ્યારે એને જો ભક્તિરસનો;

નમ્ર ને શૂરાતનનો છે એ ઐશ્વર્ય પ્રેમરસનો !

ફરજ નિભાવતા નથી એ એના હક્કની મોહતાજ;

એ તો છે ભક્તિ-શક્તિ-યુક્તિના સંગમનો સિરતાજ !

છે સત્ય કે, સ્ત્રી રક્ષિત સજ્જન પુરુષ થકી;

સ્વજીવનના કાવ્યથી જ તો ધાર્યુ એ કરી શકી !

કહેવાય છે કે, સ્ત્રી-પુરુષ એકબીજા વિના અધૂરા;

સંગે બન્ને જો 'સ્વપ્નીલ', 

તો થાય સમર્થ સ્વપ્ન મધૂરા !