પ્રેમની જાળ

ઈશારો કરીને મુજને બોલાવ્યો,

યૌવનનો મુજ પર જાદુ ચલાવ્યો,

યૌવનના જાદુથી વશ કરી મુજને,

પ્રેમની જાળમાં શા માટે ફસાવ્યો ?

પ્રિયતમ બનાવી દિલમાં વસાવ્યો,

પ્રેમની સરિતામાં મુજને વહાવ્યો,

મતલબી પ્રેમમાં ડૂબાડીને મુજને,

પ્રેમની જાળમાં શા માટે ફસાવ્યો ?

નિખરતા યૌવનથી મદહોશ બનાવ્યો,

જામ પીવડાવી મુજને ખૂબ બહેકાવ્યો,

ધન દોલત લૂંટી પાયમાલ કરી મુજને,

પ્રેમની જાળમાં શા માટે ફસાવ્યો ?

દુનિયાની નજરમાં બદનામ કરાવ્યો,

છળ કપટનો મુજને હાથો બનાવ્યો,

અંધારી આલમમાં ધકેલી દેવા મુજને,

પ્રેમની જાળમાં શા માટે ફસાવ્યો ?

તન મનથી મુજને ખૂબ તડપાવ્યો,

ગુલામ બનાવી મુજને નાચ નચાવ્યો,

હવે છટકવાનો કોઈ માર્ગ નથી "મુરલી" 

પ્રેમની જાળમાં શા માટે ફસાવ્યો ?