પ્રેમધનુષ
પ્રેમધનુષ
નીરખી પ્રેમ પાંપણે વાદળ વરસાવી દે,
ભીંજવી દે મુજ હૈયાને નદી બનાવી દે;
વહેતી રહુ પ્રણયગલીમાં મદમસ્ત બની,
મધુર આલિંગને ઓષ્ઠ છલકાવી દે.
નીરખી પ્રેમ પાંપણે...
સવાલ મારાં દિલના લખાશે નહિ કલમે,
તું ચિત્ર બની એનાં જવાબો સમજાવી દે;
સમાધાન થઈ જશે મજકુરનું મૌનથી,
એક નજર ચાહતની મિલાવી નિખારી દે.
નીરખી પ્રેમ પાંપણે...
વ્યાકુળ નયને રાહ જોતી વસુધા હું,
એક સાંજ ક્ષિતિજે મળવા આતુર હું;
ભીંજવી દે ઝાકળ બની તું મુજને અંતે,
રેલાવું પ્રેમધનુષ અશ્રુઆકાશે એક સાંજ દે.
નીરખી પ્રેમ પાંપણે...