પિતાની સંવેદના
પિતાની સંવેદના
ઢળતી ઉંમરે હવે થોડાથોડા ઝૂકી ગયા છે,
હૈયે હામ છે પણ હાથે પગે થાકી ગયા છે.
એમની આંખોની ઝાંખપનું તો શું કહેવું ?
મૌન લાગણીમાં આંસુઓ છૂપાવી ગયા છે,
ફોન પર કરે વાત અને થઈ જાય ગળગળા,
ગળાના ડૂમા અંદર 'મા'ની મમતા છૂપાવે છે,
બાગ-બગીચે જઈ યોગ અને કસરત કરતા,
આજે શેરીનાં બાંકડે પણ ઓછું જવાય છે,
આંખો અને મન કળવાના તો એજ જાદુગર,
આખર તારીખે ખિસ્સામાંથી ખ્વાહિશો કાઢે છે,
વહેવારો, તહેવારો અને બધા જ તામ જામ,
પથારીમાં હવે થોડા શુષ્ક અને ફીકા લાગે છે,
એક એક કરીને દીકરીઓની કરી વિદાય,
બધું જ છે પણ ઘર આંગણ સૂના લાગે છે,
હવે ના આવતા પાપા તમે શેરી બહાર મૂકવા,
તમારી આંખો લાલ ને ખૂણાં ભીના લાગે છે.