કેવી રીતે કહું
કેવી રીતે કહું
અવર્ણનીય હતી એ ક્ષણ કેવી રીતે કહું
હતી લાગણી નજર પર કેવી રીતે કહું ?
સપના વાવ્યા જાગતી રાતે
ઉજાગરો મીઠો લાગે રાતને કેવી રીતે કહું ?
એકાંત તણી હૃદયની વાત
નજરની સામે નજરને કેવી રીતે કહું..?
લખું ને લખાય કેટલી વાતો
પ્રેમ ઊભરો હોય એ શબ્દોને કેવી રીતે કહું...?
હતા બાગમાં ગુલાબ સુગંધિત
તારું સૂકું ગુલાબ ગમતું..ડાયરીને કેવી રીતે કહું ?
જો બની તું કહાન.. જાય છોડી ગોકુળગામ
વિરહ લાગશે કેટલો..રાધા બની કેવી રીતે કહું ?