પિતા
પિતા
સર્વે શબ્દો કોશમાં સર્વેતમ શબદ એટલે પિતા,
સૌ જાહોજલાલીમાં અસલ નગદ એટલે પિતા,
સૂરજ સમ ગુસ્સાથી બનાવટી આગ ઓળખાવે,
હૃદયે પ્રસરી ઠંડાગાર હો ઋત શરદ એટલે પિતા,
આયખું આખું હોમી, જાત પોતીકા કાજ ઘસી દે,
છાનું રડતો છતાં સદાય હસતો મરદ એટલે પિતા,
પરિવારની સાચી પુંજી એ ગેરહાજરી લાગે તારાજી,
પારસમણિ સમ એ અલગારી જસદ એટલે પિતા,
પુણ્યનું ભાથું બાંધ્યું એને જ અમુલ સોગાત મળે,
નિહન ઈશ તણો સાક્ષાત ફળ્યો વરદ એટલે પિતા.