ફૂલોની દુનિયા

ઈશ્વરનો હૈયાહાર ફૂલોની દુનિયા,

પૃથ્વીનો ધબકાર ફૂલોની દુનિયા.

‘સાગર’ આ દુનિયા રસભર્યું વાદળ,

વરસે સાંબેલાધાર ફૂલોની દુનિયા.

સૂર્ય જેવું ચમકે ફૂલોની દુનિયા,

ઝાંઝર જેવું ઝમકે ફૂલોની દુનિયા.

‘સાગર’ આ દુનિયાથી રહેશો ન દૂર,

અત્તર જેવું ધમકે ફૂલોની દુનિયા.

ફેલાવે સદા સુવાસ ફૂલોની દુનિયા,

અલૌકિક રમાતો રાસ ફૂલોની દુનિયા.

‘સાગર’ સર્જનહારનો માનો આભાર,

બનાવી જેણે ખાસ ફૂલોની દુનિયા.