ફરી એકવાર તું પધાર કાન્હા
ફરી એકવાર તું પધાર કાન્હા
ફરી એકવાર તું પધાર કાન્હા,
મંડાય હવે ઘેર ઘેર મહાભારત,
અહીં ભીષ્મ છે લાચાર આજ
અર્જુન શોધ્યા જડે નહિ કયાંય,
ને દુર્યોધનો મળી આવે અપાર
આ કલિયુગમાં સારથી નહિ,
અર્જુન બની પધાર તું વ્હાલા
ફરી એક વાર તું પધાર કાન્હા..
દ્રૌપદિ અહીં સરેઆમ લૂંટાય,
ને ધૃતરાષ્ટ્રો કરે વાતો સુફિયાણી,
વિદુરની વાત કોણ સાંભળે હવે,
નીતિમત્તા જ જ્યાં નેવે મૂકાઈ,
સગા ખરા પણ વ્હાલા નહિ,
અહીં આ તે કેવી પ્રેમસગાઈ,
બની મહાબાહુ તું આવ શામળા,
ફરી એક વાર તું પધાર કાન્હા..
ફરી એક વાર તું પધાર કાન્હા.