પાછું વળી જોતી નહીં
પાછું વળી જોતી નહીં
પાછું વળી જોતી નહીં, કહું કાનમાં નફરત તને,
તું છે બલા બૂરી ઘણી, કહું ભાનમાં નફરત તને,
આખા જગતને પીડતી, ખાલી સ્થળ ના એકેય પણ,
કર બંધ તારા ખેલને ! કહું શાનમાં નફરત તને,
દુશ્મન બનાવે મિત્રને તું એક પળમાં, ક્રૂર થઈ,
નાપાક તારી ચાલ ખર, કહું માનમાં નફરત તને,
આદર્શ જીવન જીવતાં, દાંપત્યને પણ ડંસતી,
ભૂષણ હવે જાને બની, કહું તાનમાં નફરત તને,
વાદળ ઘણાં ઘનઘોર તારા, 'શ્રી' હટાવી જંપશે !
વરસાદ કરજે સ્નેહનો ! કહું છું ગાનમાં નફરત તને.