નવલું વર્ષ

કંઈક ખાટું, કંઈક મીઠું 

કંઈક તૂરું, કંઈક કડવું,

ક્યારેક તીખું તમતમતું

તો ક્યારેક ખારું ખારું,

વીતી ગયું વર્ષ ઝડપથી

વહાલાઓની અકાળે વિદાય,

આક્રંદ કરાવી ગઈ બહુ

દિવસ પર દિવસ પસાર થતા ગયા,

ત્રીજી, ચોથી ને પાંચમી લહેર

વેકસીન અને કડવી દવાઓ

જીવતર કડવું કરતી રહી,

 

વળી વહાલાઓએ પાડ્યાં

પ્રભુતામાં પગલાં ને,

આનંદમંગલ થયો ચારેકોર 

૨૦૨૨ પૂરું થઈ ગયું ઝડપથી,

કંઈક ખાટું, કંઈક મીઠું,

કરું નવલા વર્ષનાં વધામણા.