નજરોના જામ

તસ્વીર મારી નિહાળીને તેઓ,

કેવા દિલથી હરખાઈ ગયા, 

યુગો યુગોનો નાતો હોય તેમ,

મળવા બેબાકળાં થઈ ગયા,

ખબર નથી તેમને મારૂં ઠેકાણું,

શોધવા ભટકતા થઈ ગયા, 

શહેરની સૂમસાન ગલીઓમાં,

મારૂં ઠેકાણું પૂછતા થઈ ગયા,

અંતે મળ્યુ તેમને મારૂં ઠેકાણું, 

દોડીને મંઝિલે પહોંચી ગયા, 

તેમની હાલત જોઈને મારા,

નયનોથી અશ્રુઓ વહી ગયા,

અરસ પરસ નજર પડી અને

નયનોથી ઈશારા થઈ ગયા,

દોટ મૂકીને ભેટી પડ્યા અને

પ્રેમની સરિતા છલકાવી ગયા,

મારા ચહેરાને પકડીને હાથમાં,

નજરોના જામ છલકાવી ગયા,

મુજને દિલમાં સમાવી "મુરલી"

પ્રેમનો મધુર તરાનો ગાઈ ગયા.