નારી

નારી વગર સંસારની કો' કલ્પના અઘરી પડે,

નારી વિના તો વંશવેલો ના કદી આગળ ધપે,

પૈડું ગણાતું રથ તણું, એ સમ ધરી રાખી ફરે,

નારી વગરની સર્વ રમણાઓ જ ત્યાં અટકી રહે,

નારી મનાતી નાવ એવી, જે વહાવે જગ સકલ,

નારી સકલ આધાર જગનો, ટેકણે એની ટકે,

ના મૂલ્ય ઓછું આંકશો, છે શૂન્ય સઘળું સ્રી વગર,

ભંડાર છે એ શક્તિનો, એ શક્તિથી ક્રાંતિ કરે,

નારી વિના નર છે અધૂરો, નર વિના એ એકલી,

નારી અને નર બેયના સહકારથી સુંદર બને,

એ પુષ્પ સમ કોમળ અને છે લાગણીભીની સદા,

એ વ્હાલનો દરિયો થઈને આંખથી ભરતી ભરે,

ચંડી બની ચામુંડ શા દૈત્યો હણે પળમાં રણે,

ને મીણની મૂરત સમી, એ પીગળી દીપક ધરે.