મયૂરના કામણ
મયૂરના કામણ
1 min
381
તારા પીંછાનો વીંઝણો શોભે રૂપાળો
તારી કલગીનો તાજ રૂડો રઢિયાળો
મોર તું લાગે છે છેલછોગાળો,
મેહુલીયો ગાજે ને થનગને નખરાળો
વનવગડે ઢેલ સંગ દીપે દિવાનો
મોર તું લાગે છે છેલછોગાળો,
રમતો ભપકે કળાયેલ કોડીલો
મોરમુગટ ધરી હરખાવતો ગોપાલો
મોર તું લાગે છે છેલછોગાળો,
મયૂર કેવાં રે કામણ તમે કીધાં
હરિએ તમારાં સરનામાં રે દીધાં
મેં તો વહાલું કર્યું ગોકુલિયું ગામજી
મોરપીંછ મુગટે ઓળખાયો મારો કાનજી,
તારા રાજ રાજેશ્વરી ભપકા રૂપાળા
મોરલા તમે સૌને ગમતા છેલ છોગાળા.