તારા રંગમાં રંગાઈ જવું છે

તારા રંગમાં મારે રંગાઈ જવું છે,

તારા પ્રેમની વર્ષામાં ભિંજાઈ જવું છે,

જોને સાવ સૂનો છે તારો આ સંસાર,

સંગીતના સાત સૂર બની રેલાઈ જવું છે,

નથી જોઈતી દુનિયાની મોંઘી મોલાતો,

બસ તારા હૈયે મારે છવાઈ જવું છે,

શોધી ના શકે દુનિયામાં કોઈ પણ મને,

એવી રીતે તારા હૈયામાં સંતાઈ જવું છે,

યાદ કરે દુનિયામાં લોકો સદા આપણું નામ,

એવું મારે ઈતિહાસમાં અમર થઈ જવું છે,

બસ તારા નામ સાથે મારું નામ જોડી,

મને તો આ મહેફિલમાં ચર્ચાઈ જવું છે.