મુક્તક માળા

મિલન કે જુદાઈમાં શું ફેર છે,

રાત જાણે કે ધબકતી જાય છે.

સ્વપનાના ઘરમાં રહેવા જાઉં છું,

ને ચાંદની ભીંતો સંવારી જાય છે.

***

મંદિરમાં પ્રભુ સમક્ષ દીવો પ્રગટાવતા પહેલાં,

અંતરમાં પ્રસરેલ અંધકાર દૂર કરતા પહેલા.

પ્રભુની પાસે આચરેલા પાપની કબૂલાત પહેલાં,

જેના માટે હ્રદયમાં દુર્ભાવ છે તેમને માફી આપો.

***

મધુરતા

મિલનમાં

કે

યાદોમાં?

***

નિવૃત્તિમાં

પ્રવૃત્તિ

કે

પ્રવૃત્તિમાં

નિવૃત્તિ?

***

પરણે તે

પસ્તાય

ન પરણે તે

પસ્તાય !

***

વહાલ

કોને

કૂતરાને

બાળકને ?

***

હું હંમેશાં પુરાની યાદમાં ખોવાઈ ગઈ,

મીઠી મુંઝવણોમાં ડૂબીને તણાઈ ગઈ.

વમળમાં સામે પાર  જવા તરફડી રહી,

તસ્વીર તારી નજર સમક્ષ ઉપસી ગઈ.

***

આ જીવન સફળ કરવાનું છે યાદ રાખ,

દુખીઓના દુખ દૂર કરજે યાદ રાખ.

પ્યાર આપી આપેક્ષા ત્યજજે યાદ રાખ,

જીવન એળે ન જાય હમેશા યાદ રાખ !

***

તકરાર

કરું

કે

પ્યાર?

***

યાદોમાં

ફરિયાદોમાં

હાજરીમાં

ગેરહાજરી

ગેરહાજરીમાં

હાજરી

***

એકલા એકલા ભમવામાં મઝા છે,

સાથી વિના જીવવામાં સજા છે.

જે મળ્યું તે જીવવામાં જીવન છે,

નહીં તો મહામૂલું જીવન વૃથા છે !

 

***

હસીને જીવો રડીને જીવો,

સહુ સંગે હળીમળીને જીવો.

સાથ સઘળા ઘડી બેઘડી,

પામ્યા તેને માણો હરઘડી.

***

 

કુદરતની મોજ માણતા ઝુમો આજે,

ખાડા ટેકરા નદી નાળાને ચૂમો આજે.

અવનવું દૃશ્ય ભાળો તેને માણો આજે,

અંતે તેનું શરણું નિર્વિઘ્ને સ્વિકારો આજે.