સ્વાગત

કહુ છું જવાનીને પાછી વળી જા (રાગ)

******************************

 

કહું છું બુઢાપાને સ્વાગત છે તારું

ઘડપણના દ્વારેથી પ્રવેશી ચૂકી છું

*

જુવાનીનું ગાંડપણ ને બાળપણની મસ્તી

ઘડપણનું શાણપણ ફાવી ગયું છે

*

ઉન્માદ છૂટ્યોને સ્વાર્થ કર્યો વેગળો

ડહાપણની દુનિયામાં જામી પડી છું.

*

જુવાનીને રામ રામ ઘડપણ તને સલામ

બાળકોનો કલબલાટ માણી રહી છું

*

પંચમાહાભૂતનું આ પાર્થિવ તનડું

ત્યજવાનો સમય આવી ગયો છે.

*

હા, કહું છું બુઢાપાને સ્વાગત છે તારું

ઘડપણના દ્વારેથી પ્રવેશી ચૂકી છું.