મતલબ વગર

સંબંધ જ શીખવે જીવનમાં મતલબ વગર કંઈ નથી, 

સંબંધ લાગણીથી ના ચાલે, મતલબ વગર કંઈ નથી,

ગુણગાન ગાશે તમારા, જ્યાં સુધી જરૂરત રહેશે, 

સ્વાર્થ પત્યે એ ટીકા કરશે, મતલબ વગર કંઈ નથી,

અહેસાસ આપશે, એના જીવનના તમે સર્વસ્વ છો, 

ધીમેથી એ'જ હાથ છોડશે, મતલબ વગર કંઈ નથી,

સો ભૂલ પોતે કરશે, સંબંધના દાવે બચાવ પણ કરશે, 

એ એક ભૂલ તમારી પકડશે, મતલબ વગર કંઈ નથી,

ભૂલશે લાગણીથી રહ્યાં, ને ભૂલશે સઘળા વહેવાર, 

એક ઝાટકે વહેવાર મૂકશે, મતલબ વગર કંઈ નથી.